英國Tier 1 企業家20萬英鎊移民計劃 Q&A part1

自從喺電台節目同facebook介紹過英國移民資訊之後，卓域集團收到好多關於英國Tier 1企業家移民計劃嘅查詢，經過我地專業嘅移民顧問團隊整理相關查詢後，綜合出10大最多客戶關心嘅問題同大家分享。 Q:由遞交申請至登陸需時幾耐? 永久居民身份之前我係拎邊種簽證? A:只要申請人文件齊全，依照目前英國當地審批時間，大約3-6個月就可以取得簽證登陸英國。而喺拎到永久居民身份之前，大家係拎Tier 1 (Entrepreneur)簽證營運公司。 Q:20萬英鎊點樣先算用晒? A:從移民法嘅角度黎睇，公司一般開支例如辦公室租金、裝修費用、公司設備、員工薪水、銷售成本、廣告開支、會計師費等，都可以計算喺二十萬英鎊嘅支出當中。但值得注意嘅係，自己出糧比自己嘅董事酬金，並唔會列為公司支出部分。 Q:我可唔可以用「前舖後居」形式嘅office，用20萬英鎊資金解決埋居住問題? A:唔可以，因為20萬英鎊資金只可以用喺生意營運上，所以即使office可以用作住宅用途，居住部分嘅面積需要進行估價，之後根據估價結果喺20萬英鎊資金當中「補水」，確保20萬英鎊資金全部用於生意營運上。 Q:拎永久居民身份需時幾耐? 條件會唔會好複雜? A:一般為5年左右可以拎到永久居民身份，而條件方面唔會好複雜，只要完成投資，創造最少兩個全職職位，並且符合居留日數(每年最少183日)，基本上就可以申請永居。 Q:喺僱用員工方面有冇條件限制? A:係有限制嘅，員工一定要係英國永久居民或者係英國公民，而且申請人一定要請最少兩名全職員工，每星期最少工作30個鐘頭。另外亦可以請兩個兼職員工代替一個全職員工，只要工時加起來符合每星期30個鐘頭就冇問題。需要注意嘅係，每一個全職員工必須做滿12個月。 今日就先講住頭5題問題，等大家消化一下。想知其餘5題問啲咩?我地下回再分解!記得唔好行開，要緊貼住我地嘅facebook啦~!另外，如果想了解更多唔同國家嘅移民資訊，歡迎登上我地公司網站http://lkgroupholdings.com/ 或者打來35202476向我地專業嘅顧問團隊查詢啦!