英國點樣睇醫生?

June 27, 2017

 

好多客人都會問有關喺英國點睇醫生既問題,明明英國既國家醫療系統NHS都好出名,基本上已經覆蓋曬國民同留學生既醫療開支,但系依然都經常聽到人講:“喺英國千其唔好病,因為睇醫生好麻煩!”其實覺得麻煩,主要都系因為搞唔清楚英國既醫療系統啫。依加,我地就同大家講解下究竟喺英國,點樣睇醫生。

 

首先,喺英國睇醫生系同香港好唔同。第一,香港系醫藥一家,啫系話香港睇醫生系連埋拎藥既,藥房基本上就係俾遊客拎嚟買奶粉既;而英國就系醫藥分家,醫生診症完之後,除非系喺大醫院,一般情況都係會俾處方病人,然後就去藥房配藥。第二,基本上你喺香港,無論大病小病,都可以直接去醫院睇醫生;但系喺英國,醫院只系負責急症,手術或需要住院照顧既病症。而小病小痛果d,一系你就去睇全科醫生General Practitioner Surgery(GP),如果唔系,你就要去藥房由註冊藥劑師診症。

 

GP系需要預約既, 一般系通過電話,網上(只有部分GP可以)或者到場預約。但系點解d人會成人講,英國千其唔好病,主要系因為排隊睇GP既人實在太多,預約GP大約要等1個禮拜,好多時候病好咗,都未排到你。當然,急症(有生命威脅既病,感冒發燒唔算)系可以直接去醫院睇醫生既,費用都係全免。同埋,大部分情況下,英國既醫生唔主張開藥,小病小痛一般叫你飲多d水同訓多d,問題嚴重先會轉介你去公立醫院睇醫生。

 

講咗咁耐,咁究竟喺英國系點樣睇醫生架?首先,移民或者留學生去到英國後,要有個長期既住址。然後,你就上網查一查離你屋企最近既GP, 拎住你既住址證明同簽證就可以去GP註冊你既NHS number。註冊完之後,只要講出你既全名同生日嚟登記,你就可以喺NHS轄下既公立醫院或GP免費睇症。睇完醫生,拎住處方就可以去大型既藥房例如Boots拎藥。跟住就進入返訓多d、飲多d水,準時食藥既例牌環節。

 

英國睇醫生大概流程就系咁多,NHS覆蓋曬醫療開支,睇醫生、住院、手術都系免費,其實都已經系非常唔錯既福利,總比起香港乜都冇好..有興趣想移民英國既,或者想知道更多移民資訊既朋友可以繼續留意返我地Facebook或者集團網頁,又或者直接打俾我地,無任歡迎。

Share on Facebook
Please reload

重點資訊

卓域集團 服務多元 信心保證

November 22, 2017

1/9
Please reload

最近查詢

December 2, 2019

October 31, 2019

Please reload

過往文章
Please reload

卓域Facebook
  • Facebook Basic Square