- 2017年7月7日

3個移民加拿大嘅理由!

加拿大長期以來都係移民大國，到底加拿大有乜可以吸引到咁多人移民過去呢? 我地就為大家整合咗幾個吸引之處，正所謂理由唔洗多，最緊要中point，今日一於話比大家知移民加拿大嘅3大理由!

第一個，就係全民醫保!!!香港地講全民醫保講咗咁鬼耐都係得個桔，加拿大就唔同啦，只要你有當地嘅合法居留身份，就可以參加當地嘅國立健康保險計劃，講緊都係每個月11-75蚊加紙，之後有咩頭暈身㷫要睇醫生、照X光、做手術、住院等服務一律由當地政府找數! 19歲以下同65歲以上人士仲可以享受埋免費處方藥物，令小朋友同退休人士嘅健康都得到絕對嘅保障!

第二個，就係免費教育!!!你可能會話「車~香港都有啦」，係嘅，香港都係有免費教育，但係加拿大嘅免費教育係講緊由小學到中學連書都唔洗買喎~!小朋友入讀當地嘅公立學校，只要拎枝筆返學就搞掂，絕對唔洗比學費同書簿費，而且加拿大嘅大學都好勁，例如英屬哥倫比亞大學、西門菲莎大學等等，都係全加國最top嘅大學，其中英屬哥倫比亞大學更加排喺世界頭50名!只要有加國身份就可以以每年平均7,000加幣入讀一流嘅大學，足足平過國際學生4-5倍，比起單純送小朋友去留學，由小學到大學足足慳咗過百萬港紙!!!真係問你服未?