馬耳他退休? 其實諗得過!!

是咁的，根據2016年日本厚生勞動省既數字，香港已經超過咗日本，成為全球最長壽地區，香港人依加閑閑地都有80歲命。屈指一算，大多數人退休後預期仲要生活多二十年既時間。二十年…先不論到時系香港特區or香港市區，喺政府無醫療，又無全民退保既情況下，唔知各位巴打絲打對年老既生活有咩期待呢？老老竇竇，與其退休留喺香港食廢氣等神召，我就諗住試下退休衝出香港，去歐洲嘆世界，享受埋人生最後既時光。 講真，巴拿馬同厄瓜多爾相信唔多啱香港人，主要系因為罪案率偏高。而西班牙同葡萄牙其實very ok，however，佢講西班牙文同葡文。剩翻低既就係馬拉，泰國同馬耳他。馬拉同泰國其實大家都好熟，加上離不開亞洲，就唔多講喇，今日主打馬耳他！ 馬耳他呢個名喺當地語言中解Honey。馬耳他系歐盟成員國，位於地中海中部，氣候溫和。位置可以話喺正歐洲同亞洲之間，穿梭兩地都系方便既，系開心既。 講到生活指數方面，香港人最關心既買樓問題，呢度叫做合理水準。喺首都Valletta，30萬歐羅（HKD 265萬）買到間實用500呎既3房1廳。租金方面，一套三房700~800呎公寓既月租系600歐羅（HKD 5500）。汽油每公升1.5歐元（HKD 13.5）。飲食方面，因為馬耳他一來入口，開支會大d，普通平民化餐廳大概5歐羅（HKD45）一餐。麥記K記之類8-12歐羅（HKD70-100），喺一間中等價位餐廳兩個人食三道餸大約40歐元（HKD350）。生活嚟講綜合比香港都係平d，而且舒服。 咁既然生活開支唔系平幾多，咁究竟佢吸引力喺邊？作為退休勝地既馬耳他咁受歡迎主要系因為呢度擁有一流既醫療體系（話說呢個都係退休最主要關心既問題）。制度主要系模仿英國既醫療制度NHS，對所有公民都係免費，未入籍之前每年交翻保費就可以享有。除咗免費之外，服務質素同水準仲好高添！2016世衛排名世界第五，比起大部分歐洲國家重要高好多，而且好多技術都係針對翻老人家，所以馬耳他一直都好受歐洲退休人士歡迎。 咁講到咁正，要點申請先？ 申請要求 a 主申請人年滿18周歲以上； b 無犯罪記錄； c 身體健康，無傳染病； d 需滿足以下全部三項投資條件： 1) 當地置業投資地產5年。 2) 購買馬爾他政府債券持有期5年； 3) 向馬爾他國家發展及社會基金捐贈； Total 大概115~135萬歐羅. e 購買當地醫療保險； f 需要建立與馬爾他真實既聯繫（呢個系指參加當地俱樂部，參與當地社會服務，向當地慈善組織捐款）。 參考以往案列，18個月左右就拎到Passport，成為西人。 *時間屬於參考性質，真實時間以官方實際審批為准 可攜帶家屬： 一人投資三代移民！（呢個系少有可以帶埋上一輩既移民計劃，讚！） 總體嚟講個移民計劃算系中等價位，實際消耗既系政治捐獻金，不過可以全家都拎到歐盟護照同享有佢既福利，算系咁喇。咁今日講住咁多先，我地聽日見。