英國Tier 1 企業家20萬英鎊移民計劃 Q&A part2

May 10, 2017

 

琴日同大家分享左10大最多客戶關注問題嘅其中5題,相信大家都消化左,對於移民英國亦有再進一步嘅了解。事不宜遲,今日一於就同大家分享埋另外3題,等大家對英國嘅移民資訊加深了解!更放心移民英國!

Q:申請人係唔係一定要以創業來進行計劃?
A:唔係,申請人可以選擇創業/收購現有企業/加盟等形式進行Tier 1企業家移民計劃。如果申請人選擇加盟/收購現有企業時,企業必須喺申請Tier 1企業家移民計劃前已經存在至少1年,同時要以會計師報告、公司銀行戶口文件、經營許可證、稅單作為證據。而選擇創業時,亦需要以本地/當地銀行信件正本、或個人戶口月結單、或會計師報告作為證據,證明自己有足夠資金進行計劃。值得注意嘅係,過往太多個案都係投資餐廳,以致英國政府喺投資餐廳嘅商業計劃書審理方面會更為嚴謹,如果唔擅長寫商業計劃書嘅話,會有一定風險。而亦係成個申請中最重要嘅原素之一,必須要令英國移民官相信申請人有完善計劃。而卓域集團擁有專業團隊,可以協助大家規劃商業計劃書,風險大大降低,令大家1 take過通過審批!

Q:英國Tier 1企業家移民需唔需要做身體檢查?
A:需要,英國政府規定參與計劃嘅人進行肺結核檢查,亦需要去到指定診所進行檢查,分別為聯合醫務中心同埋卓健醫療中心。檢查主要為照肺部X光片,收費大約為900元港幣,而11歲以下小朋友只需喺上述診所填寫肺結核診斷問卷,同行嘅家長需要帶備小朋友出世紙正副本,以及家長本人身分證正副本,收費大約450元港幣,即日有報告。孕婦如經醫生評估後為唔適合照肺部X光,可以選擇進行痰液測試,收費大約2,000元港幣,大約3個月時間有報告。而申請人需要帶備護照之正副本、身分證正副本、白底證件相1張、香港及英國住址證明到診所進行檢查。每一項檢查整個過程大約需要60-90分鐘,完成之後大約2-4個工作天可以拎報告(痰測試例外),同時會獲得一張有效期為半年嘅「非肺結核患者」證明,喺交付申請文件嘅時候一併交付就可以。

Q:拎到永久居民身份後,需要居住幾耐可以入籍?
A:拎到永久居民身份後只需要居住多一年就可以申請入籍,但要注意嘅係申請入籍之前嘅5年唔可以離境超過450日,而入籍前一年唔可以離境超過90日。我地建議客人將每一次嘅電子機票都e-mail比我地作紀錄,方便計算客人出入境日期,以確保符合居住日數。當然,安全起見客人亦要保存自己嘅出入境紀錄同機票。另外,申請入籍後會有一個叫做「Life in the UK」嘅考試,主要考核英國價值觀及原則、英國各地傳統及文化、英國政府及法律制度、社區融入度等範疇,總共24題短題目,成績合格就可以入籍。而當地係有同「Life in the UK」入籍試相關嘅書賣,大家可以放心。

 

Share on Facebook
Please reload

重點資訊

卓域集團 服務多元 信心保證

November 22, 2017

1/9
Please reload

最近查詢

December 2, 2019

October 31, 2019

Please reload

過往文章
Please reload

卓域Facebook
  • Facebook Basic Square