5張圖表教識你台灣置業所需稅金(二)

May 23, 2017

 

之前同大家分享左台灣房地產嘅「地價稅」同埋「房屋稅」,兩者都係針對「業主」嘅稅項,而今日就會同大家分享針對「買、賣家」嘅「買賣契稅」、「土地增值稅」、同埋「房地合一稅」。我地將會用圖表將複雜嘅稅項簡單咁介紹比大家知!

「買賣契稅」要注意物業轉讓方式
買賣契稅嘅徵稅對象係「買家」,計算方法係「物業現值x買賣契稅稅率(2-6%)」,要注意嘅係,唔同嘅業權轉讓方式(例如買賣、典權轉讓、交換),會有唔同契稅稅率。覺得太複雜?唔洗騰,No problem! 我地為大家整咗個「買賣契稅圖表」(圖一),一睇即刻明晒!

「土地增值稅」要睇「土地增值金額」
土地增值稅嘅徵稅對象係「土地賣家(地主)」,只係針對「土地升值差額」,喺土地擁有權轉讓嘅時候徵收,計算方法係「土地增值總額x稅率(10-40%)」,對於唔同嘅物業用途都有唔同嘅稅率,增值金額亦會影響土地增值稅嘅稅率,只要睇咗我地炮製嘅「土地增值稅圖表」(圖二),就會明白晒!

「房地合一稅」要睇「交易收益」
「房地合一稅」係台灣2016年1月1日開始實施嘅稅項,徵稅對象係「賣家」,計算方法係「交易收益(賣出價 - 買入價)x稅率(15-45%)」。稅率會因應「持有年期」同埋「業主在台身份」而有所差異,如果淨係用文字表達,大家會覺得好難明,所以我地亦幫大家整理咗一個「房地合一稅圖表」(圖三),等大家對呢個新稅項有所認識,方便日後喺台灣買賣物業。

「土地增值稅」v.s.「房地合一稅」
呢兩種稅睇起來非常相似,但其實要分辦兩者差別並唔困難。大家只要記得「土地增值稅」係針對「土地買賣」,而「房地合一稅」係針對「物業買賣」就得架啦!

我地同大家分享台灣房地產資訊並唔係sale大家去台灣置業,只係希望為大家提供知識,幫助大家日後移民台灣,要置業嘅時候可以好快上手。因為卓域集團嘅宗旨係「先移民,後置業」。

 

 

 

 

Share on Facebook
Please reload

重點資訊

卓域集團 服務多元 信心保證

November 22, 2017

1/9
Please reload

最近查詢
Please reload

過往文章
Please reload

卓域Facebook
  • Facebook Basic Square