咩話?!!!! 南澳洲移民政策暫停?!!!!!!
啱啱先踏入2018年，南澳洲就喺1月31號公布一項移民政策變動，就係暫停接收132(天才企業家移民簽證)同188(商業創新及投資簽證)轄下嘅所有類別簽證申請。南澳移民局表示因目前132同188類別簽證申請人數過多，由即日起停止接受申請，官方估計最快會喺今年3月底至4月初嘅時間再次接受申請。今次受影響嘅對象包括尚未申請或未完成申請嘅朋友(包括網上申請嘅案件)，而目前已經喺審理階段當中嘅申請則唔受影響。雖然目前澳洲其他地區仍然接受有關簽證申請，但今年澳洲會唔會就移民政策再作出重大改革仍然係未知之數。常言道:今日唔知聽日事，計劃往往趕不上變化。澳洲移民政策隨時再收緊，如果大家或者身邊朋友有興趣申請澳洲移民(尤其係132同188類別)就要好好把握時間申請啦!
