【Good News！加拿大宣佈未來3年多接受100萬新移民】
加拿大移民部長Marco Mendicino於2月28日參加活動果陣提到，上任後嘅首要任務就係於未來3年（2020年～2022年）為加拿大帶嚟多100萬人口，而詳細計劃將會於幾週後公布。
為咗解決加拿大人口老化，退休率高以及生育率低嘅問題，早前政府已經宣佈將於2021年增加聯邦技術、省提名及難民移民名額；家庭團聚名額不變；大西洋試點AIPP以及 Caregiver移民計劃名額待定。
Mendicino曾表示加拿大嘅未來取決於「移民」。呢句話一D都唔誇張，近年加拿大吸納移民嘅政策比起英、美、澳、紐呢d大國更穩定，2019年加拿大新移民人數甚至超過政府原先嘅目標，共34.1萬人成為永居PR；現時加拿大約80%人口增長嚟自唔同類別嘅移民計劃。據估計，到2033年新移民佔新人口比例將達到100%。當各國紛紛提高移民門檻或減少吸納移民嘅大趨勢下，只有加拿大穩定增加移民人口。通常移民審理過程都要1-3年，甚至更長時間，政策穩定對於選擇移民國家嚟講絕對係必須嘅考慮因素。
趁加拿大增加移民人口，無論係技術、投資或係留學移民，未來3年絕對係申請移民加拿大嘅最佳時機。想移民加拿大嘅朋友唔好猶疑喇，我哋卓域1992年喺溫哥華成立，係加拿大嘅移民專家，快D聯絡我哋喇！
