【聽就成日聽，究竟咩嘢係加拿大EE?】
講到加拿大技術移民，好多人都會講起EE呢個term，究竟EE係咩嚟？其實EE即係加拿大聯邦快速通道Express Entry，主要分為3個計劃：經驗類移民(CEC)、技術移民(FSW)同埋技工移民(FST)。呢三個計劃經常俾人混拗，今日我哋卓域就同大家講解下究竟呢3個計劃有咩嘢區別，你又最適合申請邊一種？
聯邦經驗類移民Canadian Experience Class (CEC),要求申請人最近3年有1年喺加拿大嘅工作經驗，適合一D喺加拿大畢業，成功轉到工作簽證嘅留學生或者通過勞工市場評估(LMIA)工作簽證到加拿大工作嘅人士參與。累積一年嘅加拿大工作經驗同時考取IELTS 5分或以上即可符合CEC嘅基本資格。
聯邦技術移民Federal Skilled Worker（FSW），係目前加拿大最快嘅移民計劃。計畫無需加拿大工作經驗，只需申請人喺過去10年內有1年全職工作經驗，IELTS4個6或以上，技術移民計分表達67分即可參與。FSW主要針對高背景人士，適合一D有專業資格，英文能力唔錯嘅朋友參與。
聯邦技工移民Federal Skilled Trades (FST)，係政府根據社會嘅職業需求設立嘅計劃。申請人嘅職業必須喺符合特定清單以內，申請前5年持2年相關經驗先可申請。計劃優勢在於對英文要求相對低，一般只要有IELTS 4.5分即可。加拿大常見嘅FST職位有廚師、維修、木工、等藍領工作為主。
留意返，符合以上規定並唔代表可以移民加拿大，只係拎咗進入EE計分池嘅入場券。咁到底點先可以透過EE移民加拿大？有興趣嘅朋友記得Keep Follow 我哋，下回揭曉！
