【加拿大突然宣佈封關 只允許該國公民，永居及美國公民入境】
新冠病毒疫情喺加拿大境內持續惡化，總理杜魯多喺當地時間3月16日突然宣佈，除美國公民外，即日起禁止所有加拿大非公民及非永久居民入境。
加拿大同時限制咗國際航班嘅數目，暫時只有蒙特利爾、多倫多、卡爾加里及溫哥華機場允許國際航班升降。現時加拿大公民（Citizen）、永居（PR）以及美國公民仍可入境加拿大，必要嘅服務例如外交及機組人員可獲豁免。建議身處海外但持有效加拿大居留簽證，例如工作簽證（Work Permit）以及學生簽證（Student Visa）嘅持有人密切關注加拿大政府進一步出入境限制消息!
今次封關消息突然，好多細節尚待確定，可能會影響最近獲批計劃到當地登陸嘅客人。我哋卓域會繼續關注加拿大嘅邊境動態，有新消息即刻同大家匯報！
文章參考： https://cnb.cx/2UbBG0d
