【各國封關情況 移民會唔會受影響？】
最近唔少客人都會因為各國陸續封關，擔心自己嘅移民計劃受影響。其實對於準備申請或者移民審理中嘅客人嚟講，審理通常於境內嘅移民部門進行審理，暫時嚟講英美澳加紐等大國都無暫停移民申請審批，各位申請中嘅客人無需特別擔心。對於移民申請已獲批，等待簽證簽發或準備登陸嘅客人，今次嘅封關就會受到影響，基本上都要延遲登陸。以下係各國封關或入境限制情況：
美國-總統Donald Trump於1月31日已經宣佈禁止中國等疫區居民入境；3月11日起禁止歐洲神根區26國居民，以及過去14日曾到有關國家非美國公民入境；3月16日擴至英國及愛爾蘭； 3月18日宣布關閉美國與加拿大邊境。**另外，美國駐港大使館都喺3月18日宣佈暫停移民及非移民簽證服務，服務重開時間待通知。
澳洲-總理Scott Morrison3月19日宣布鎖國，所有非澳洲永居同公民將禁止入境，措施當地時間3月20日夜晚9點生效。
紐西蘭-總理Jacinda Ardern3月19日跟隨澳洲宣布鎖國，所有非紐西蘭永居同公民禁止入境，措施於當地時間3月19日午夜起生效。
加拿大-總理Justin Trudeau宣佈3月16日起，禁止非加拿大公民或永居民入境，加拿大公民直系親屬、美國公民、國際航空機組人員、外交官除外；3月18日起與美國同時互相封關。
歐洲-理事會主席Charles Michel 宣佈3月17日起，封閉歐盟以及神根區外部邊境30天，即時生效。非歐盟成員國公民期間不得入境，歐盟長期居民、歐盟成員國公民直系親屬、英國公民、外交官與國際醫療工作人員除外。
英國-暫時未有封關措施。
我哋會繼續跟進各國移民以及邊境嘅最新安排，有乜嘢新消息我哋會第一時間通知客人！想知道更多即時嘅移民資訊，繼續follow我哋卓域FB喇！
