英國入大學，唔系得A-level一條路~

英國教育最成功既地方在於無論系學生既學術、道德、以及人格都覆蓋喺佢教育體系內。經過幾百年既不斷完善，依加英國教育制度已經相當之成熟同靈活。同香港制度唔同，DSE系入大學既最直接途徑，萬一衰咗DSE，入大學條路就變得好迂迴曲折。而英國A-level并唔系入大學既唯一途徑，Further Education延續教育就係為咗俾唔擅長學術既學生都可以成功入讀大學既直接途徑。

延續教育系英國教育體系入面最有特色同靈活性既部分，佢系繼中小學教育以後既Tertiary Education“第三類教育”，主要目的就系為學生往後既升學/就業打好基礎。一般嚟講延伸教育階段介乎于中二到中三之間，分為兩種體系：a）Academic Route學術方向；和b）Vocational Route職業方向。Academic Route著重培養學術研究方面既人才，而Vocational Route則著重結合社會各層面既職業需求，培育各行各業既專才。 由於西方人不嬲都唔會放學術為首位，佢地更注重既系學童未來既人格發展，故兩種體系喺英國都受到同樣重視。

Academic Route既最重要階段就是會考課程(GCSE)既兩年以及高級程度會考（AL）既兩年。呢個香港都好熟悉,我地就唔多講啦。喺英國，如果學生藝術天賦高，或者鐘意動手多過動腦既都會選擇行Vocational Route既課程，課程比起Academic Route既內容更生活化同“貼地”。可以選擇既職業由嬰兒護理到工程師都有，視乎學生個人興趣同對於未來既取向。類似于香港既IVY課程，不過英國既Vocational Route與Academic Route喺有銜接性既，學生可以根據自己學術程度選擇入Academic Route課程既唔同階段。呢個俾到學生有充分時間去了解自己興趣同理想，更多既選擇空間，俾唔同個性或者類型既學生都可以充分發揮屬於自己既小宇宙。

就好似前文所講，比起學術成績，西方人更著重學生既個人發展。在英國既教育體制，無論是教學內容或者考試都希望盡量發揮每個學生既獨特個性。英國既教育盡可能就係俾學生明白自己系獨特既，但同時亦屬於社會既一個整體，等佢地可以喺健康既環境發展自己，同時亦能融入社群。所以，對本地“填鴨式”教育缺乏信心，或者希望子女能夠更上一層樓既家長，無需猶疑，英國教育對子女絕對系最好既選擇。