美國小知識！「奧巴馬醫保」究竟系乜嘢？

話說好多有移民美國傾向既客戶都會問我地卓域集團美國既醫保系點玩,奧巴馬醫保又系點?咁今日,我地卓域集團就同大家上下堂,介紹下究竟乜野系奧巴馬醫保,同埋佢又點解會俾特朗普Trump狙擊? 「奧巴馬醫保」(Obamacare)，官方叫做「合理醫療費用法案」（Patient Protection and Affordable Care Act）,系美國前總統奧巴馬Obama既主要政績之一，同時都頗為具爭議性。支持者認為政策打破咗美國以商業醫保體系為主既格局，窮而急需治療既病患者都可以得到醫療保障。而反對者認為佢打破本身已經成熟既美國保險自由市場，同時亦為聯邦以及州政府甚至有錢人帶來龐大既經濟負擔。 話說美國系發達國家中唯一冇實行全民健康保險或國家衛生服務制度既國家(HK too,sad)。建立全民醫保體系一直都系美國既熱門話題，亦可以話系美國（尤其總統大選）既政治籌碼。呢個話題最早可以追溯到1912年，時任美國總統羅斯福（Theodore Roosevelt）覺得德國總理Otto Von Bismarck(翻譯失敗)喺1980年代提出既醫療改革好正,跟住就想Copy&paste。但政策於1913年,由擔任美國總統既伍德羅•威爾遜（Woodrow Wilson）反對而未能得以實施。由當時開始，全民醫保的落實就開始成為政治的玩具，不斷地倡議亦不斷地被反對,進入無限輪迴，直至2010年，爭議咗差唔多一個世紀後，美國國會最終通過由時任總統奧巴馬提出既醫療改革法案，參眾兩院提出美國政府喺今後10年內投入9400億美元，目標喺將3200萬冇醫保既美國人納入醫保體系。喺新法案底下，美國醫保覆蓋率將會由85%標到95%，接近全民醫保。可惜,呢個醫保過唔到七年之癢，2017年1月20日，美國新任總統特朗普就職未夠24個鐘就簽咗第一張行政命令，廢除奧巴馬醫保，履行咗競選期間既承諾，雖則當時佢未得到共和黨內支持而失敗，但最終在2017年5月4日美國眾議院以217對213票通過取消奧巴馬醫保，奧巴馬醫保改革被特朗普宣告「死亡」。 喺深入探究奧巴馬醫為乜「死亡」之前，先瞭解下美國醫保體系結構。美國醫保主要可以分為公共醫保同私人醫保兩大類別。公共醫保由政府資助藥費，涵蓋咗兒童，窮人、老人呢3個群體。除咗呢3個群體以外既大部分人，則需要購買屬於私人性質既商業醫保。商業醫保可再細分成兩種：第一種系企業集體醫保,呢個比較普及。由企業向保險公司支付保費，為其員工提供醫保福利，覆蓋人數約1.55億。另外一種為自購醫保，適用於非上述3大群體以及無法享受企業醫保既美國人，當中包括自僱既個體戶或一d小業主、 透過協力廠商聘用既「合約工」，同財力無法負擔員工醫保既小企業員工。 奧巴馬醫保的主要目標就系呢班「自購醫保」投保人。醫改前通過自購市場投保既大概1400萬人，另有約5000萬人沒有保險。而在奧巴馬2010年推出《合理醫療費用法案》後，原本沒有醫保的美國人當中已超過2200萬得到醫療保障。 咁聽落都幾正,點解特朗普要狙擊佢? 傻的嗎? 特朗普咁做當然有佢原因,原因系d咩野?消化咗上文先,我地下回待續!