特朗普既「世界最佳醫保計劃2017」？

奧巴馬醫保經常被批評主要系因為佢令到商業保費提高咗。政策規定人人都要投保，變相健康既投保人去補貼咗病患者既醫療費用。個問題系，唔系個個都有能力負擔得起保費。為咗解決呢個問題，聯邦政府從稅收收入補貼保費，家庭收入越低補貼幅度就會越大。而聯邦既稅收制度本身有一定既累進幅度（有錢人稅率高於窮人），簡單嚟講就係用有錢人既錢補貼咗窮人，同時亦都將健康既人既錢去補貼咗患病既人。（呢個就系特朗普經常講既Unfair元素） 共和黨醫保替代方案 為咗廢除奧巴馬醫保，共和黨都算系費盡心思，替代方案叫做「世界最佳醫保計劃2017」（World's Greatest Healthcare Plan of 2017）（*唔系講笑，呢個系美國推出新醫保計劃既官方名）最終喺5月成功推翻奧巴馬醫保。新推出既計畫將預料導致1400萬美國人明年失去醫保，2026年更加會增加至2400萬人。不過，新方案喺未來10年內會逐步減少美國財政赤字，呢個亦喺點解共和黨可以咁明目張膽去廢除奧巴馬醫保既原因。新方案重點如下： 1.唔再強制要求買醫保或付稅 新法案規定2015年12月31日後，奧巴馬醫保對未有購買醫保者既懲罰性稅收將被淘汰； 2.凍結擴大醫療補助計畫 原先奧巴馬提出既擴大醫療補助計畫受惠者範圍由低收入家庭、懷婦、兒童及殘疾人士，擴大至所有65歲以下，同埋年收入為貧窮線138%以下既人士。新方案出臺後，州政府可以自願選擇跟或者唔跟 “擴大範圍”政策。 另外，計畫由聯邦同州政府出資，方案計畫喺2020年後每年向各州發放固定份額醫療資助資金，預期將會減省大量聯邦政府開支，但就會變相減少對低收入者既資助。新方案會在2019年12月31日後就會停止接受新註冊，但如果已投保既民眾喺呢個日期後有一個月停止繳交保費，咁就會失去重新註冊既機會。 3.　保險公司仍需接受已患病人士承保 新方案跟隨奧巴馬醫保，保險公司唔可以因為客戶健康狀況而拒絕承保。但唔同既系，對未有連續投保記錄既客戶，即指過去12個月內有63日或以上保險失效者，共和黨方案容許保險公司收取他們30%額外保費一年。 4.　資助投保形式改變 a.　稅務優惠基準由收入變為年齡 新舊方案都對喺個人市場投保者提供稅務優惠。但優惠將由視乎收入遞減，變成新方案既視乎年齡而增多，即系越老可獲得越多稅務減免。奧巴馬醫保入面，稅務優惠亦將不同居住地既保費數額列入考慮，確保投保人或家庭在醫保上既花費系有上限既，而共和黨新方案則唔會考慮呢個因素。 b.　取消政府分擔費用補貼 新方案會在2020年取消對貧窮線以下家庭既補貼，但會建立州立患者專項基金（Patient and State Stability Fund），9年內注資1000億美元，可用作各類用途，包括補貼投保者自付費用。 5.　凍結聯邦政府對墮胎資助 新方案凍結向州政府提供資金資助墮胎，除非懷孕涉及強姦、亂倫或對母親健康造成威脅既情況。 共和黨替代方案大概就系咁多，美國眾議院議長瑞安(Paul Ryan)希望參議院能夠喺嚟緊7月中完成廢除同取代奧巴馬醫保。奧巴馬醫保最終系難逃被廢除既命運，究竟呢個系美國福利既大倒退定還是系大改革依加無人知，不過特朗普叫得佢做“世界最佳醫保計畫”，相信佢自己都有把握計劃會成為佢任期既一個輝煌功績。