營養Post！移民考IELTS, OET, PTE 邊份好？
想移民到英美澳加紐，英文能力可以話係一個必要環節，尤其對於技術移民嘅朋友。要證明英語能力都係透過指定嘅英語能力測試，通常以IELTS為主。近年亦都有唔少朋友會選擇報考PTE或者OET嚟作為英文能力證明。咁究竟邊一個嘅英文考試最適合自己？首先俾大家了解下乜嘢係IELTS,PTE以及OET先：
·IELTS - International English Language Testing System, 分為Academic（留學用）以及General（移民及其他用途）。有真人考官，筆試通常一個月2-4場，電腦試則每星期4-6場；IELTS成績發布需要約13個工作日。
·PTE - Pearson Tests of English，主要係澳洲及紐西蘭常用嘅英文能力測試，考生主要對電腦作答，無真人考官。全年大部分時間都可預約。PTE出成績快，只需1-5個工作日。
·OET - Occupational English Test, 主要為醫療專業人士而設，例如口試係同病人對話，寫作就係以護士身份向老人院同學校寫Reference Letter。
OET受眾較少，今日我地主要集中比較IELTS以及PTE。兩款嘅考試都係分為聽、寫、讀、說四部分。以我哋嘅經驗其實兩款嘅英文考試難度差唔多，客人最緊要知道嘅究竟邊個考試最適合自己！今日我哋就幫大家比較一下兩個考試入面聽、寫、讀、說四份卷有乜嘢分別，你又最適合考邊一份？ 去圖！
