美國60日移民限制令到期 預計將延長及擴大範圍
特朗普喺4月22日簽署嘅移民限制令凍結部分移民簽證以及綠卡發放，同時限制入境美國，期限為60日，將於香港時間今晚到期。
目前白宮尚未更新有關措施嘅安排，不過根據FOX新聞消息，特朗普無意取消限制令，並將會於未來2日宣佈移民限制令嘅最新安排。據報導，特朗普好有機會喺4月22日嘅版本上擴大限制令，新限制令可能新增以下條款： 1. 將暫停發放臨時工作簽證，直到年底； 2. 停止發放並限制海外H1B、H2B、L1、J1簽證持有人入境； 3. 取消Optional Practical Training (OPT) 簽證延期； 4. 收緊H1B申請條件，提高申請費； 5. 將對醫務人員等進行豁免； 6. 暫時限制令唔會影響已經喺美國嘅申請人。
據報導，目前支持同反對限制令嘅聲音都非常大，恐怕呢個都係特朗普遲遲未做決定嘅原因。按照特朗普自己嘅講法，估計喺今晚香港時間深夜就會知道限制令嘅新安排。我哋卓域會持續更新美國嘅簽證安排，唔想錯失第一手嘅資訊，就繼續Follow我哋嘅FB喇！
