美國未來60日暫停綠卡申請 有邊D人會受到影響？
美國時間4月22日，白宮正式發出行政命令(EO)，將於未來60日暫停接受海外綠卡申請同登陸美國，而境內綠卡申請以及其他非移民類簽證不受影響。
實際上受到EO影響人士包括： （i）生效時，喺美國境外人士； （ii）生效時，無有效移民簽證人士； （iii）除簽證外，無有效官方旅行證件人士（例如運輸函件、適當登機文件或回美證）。
未受該EO影響人士包括： 1）合法永久居民； 2）具醫師、護士或其它醫療保健專業，以移民簽證入境美國之外籍人士及其同行家庭成員； 3）通過EB-5投資移民計劃之簽證持有人； 4）美國公民外籍配偶； 5）未滿21歲同時係美國公民嘅外籍子女，或尋求通過IR-4或IH-4簽證進入美國嘅準被收養人； 6）經國務院等政府部門特別允許或符合美國利益嘅所有外籍人士以及其同行家庭成員。
簡單嚟講，呢次EO主要針對境外綠卡申請人，延遲佢地嘅登陸至少2個月。持非移民工作簽證人士可正常入境。一般香港申請人主要用嘅商業移民途徑EB-5唔受影響；EB-3審批綠卡階段嘅申請人將會延誤至少60日，其他涉及嘅部門或文件，例如PERM勞工證，I-140移民審批會繼續接受申請，大致上移民進程唔太受影響，不過時間會稍稍拖慢。
今次EO將於東岸時間4月23日23:59生效，暫定實施60日。實施50日後會再衡量會否延長。我哋卓域會keep住留意各國嘅移民狀況，有新消息會即刻通知大家。
